1
Ne'matein baantta jis samt wo zeeshaan gaya,
Saath hi munshi -e-rahmat ka qalamdaan gaya.
2
Le khabar jald key ghairon ki taraf dhyaan gaya,
Mere Mawla mere Aaqa tere qurbaan gaya.
3
Aah wo aankh key naakaame tammanna hi rahi,
Haaye wo dil jo tere dar sey pur armaan gaya.
4
Dil hay wo dil jo teri yaad sey ma'moor raha,
Sar hay wo sar jo tere qadmon pe qurbaan gaya.
5
Unhein jaana unhein maana na rakha ghair sey kaam,
Lillahil hamd main duniya sey musalmaan gaya.
6
Aur tum par mere Aaqa ki 'inayat na sahi,
Najdiyon kalmah parhaane ka bhi ehsaan gaya.
7
Aaj le unki panaah aaj madad maang un sey,
Phir na maanenge qayaamat mein agar maan gaya.
8
Uf re munkir ye barha joshe ta'assub aakhir,
Bheer mein haath sey kam bakht key imaan gaya.
9
Jaan-o-dil hosh-o-khirad sab to Madine pahunche,
Tum nahin chalte RAZA saara to saamaan gaya.
