1 Hay kalaam-e-Ilaahi mein shams-o-duhaa tere chehra-e-noor fiza ki qasam,
Qasam-e-shab-e-taar mein raaz ye tha key Habeeb ki zulfe do taa ki qasam.

2 Tere khulq ko haq ne azeem kaha teri khalq ko haq ne jameel kiya,
Koi tujh sa hua hay na hoga shaha tere khaaliq-e-husn-o-ada ki qasam.

3 Wo Khuda ne hay martaba tujh ko diya na kisi ko mile na kisi ko mila,
Ke kalaam-e- majeed ne khaai shaha tere shaher-o-kalaam-o-baqaa ki qasam.

4 Tera masnade naaz hay arsh-e-bareen tera mehram-e-naaz hay roohe ameen,
Tu hi sarwar-e-har do jahaan hay shaaha tera misl nahin hay Khuda ki qasam.

5 Yahi arz hay khaaliq-e-arz-o-samaa woh Rasool hain tere main banda tera,
Mujhe unke jawaar mein de wo jagah key hay khuld ko jis ki safaa ki qasam.

6 Tu hi bandon pe karta hay lutf-o-ataa hay tujhi pe bharosa tujhi sey dua,
Mujhe jalwa-e-paak Rasool dikha tujhe apne hi izz-o-ulaa ki qasam.

7 Mere garche gunaah hain had sey siwa magar un sey umeed hay tujh sey rajaa,
Tu Rahim hay unka karam hay gawaah wo Karim hain teri ataa ki qasam.

8 Yahi kehti hay bulbule baaghe jinaa key RAZA ki tarah koi sehr bayaan,
Nahin hind mein waasif-e-shaah-e-huda mujhe shokhiye tab'-e- RAZA ki qasam.